Ադրբեջանի հասարակական կազմակերպությունների 58 ղեկավարներ, իրավապաշտպաններ եւ քաղաքացիական ակտիվիստներ ստորագրել են Եվրոպայի խորհրդի Խորհրդարանական վեհաժողովին ուղղված ուղերձ՝ պահանջելով կազմակերպությունից Ադրբեջանին հանել եւ ձայնի իրավունքից զրկել: Այս մասին հայտնում է haqqin.az-ը: Ստորագրողների թվում են՝ իրավաբան Ինթիգամ Ալիեւը, իրավապաշտպան Ռասուլ Ջաֆարովը, լրագրող Խադիջա Իսմայլովան, փաստաբան Խալիդ Բաղիրովը, լրագրողներ Գանիմաթ Զահիդը, Մեհման Ալիեւը, Ավազ Զեյնալին, քաղաքագետ Արասթուն Օրուջլուն: Հիշեցնենք, որ ադրբեջանցի իրավապաշտպանները առաջին անգամ չեն պահանջում Ադրբեջանին հանել ԵԽ-ից կամ ադրբեջանական պատվիրակությանը ԵԽԽՎ-ում զրկել ձայնի իրավունքից: Այս պահանջները կապված են երկրում իշխող հակաժողովրդավարական մթնոլորտի, իրավապաշտպանների եւ քաղաքացիական հասարակության վրա գործադրվող ճնշման եւ կոռուպցիայի հետ: