ԱՄՆ Սենատի արտաքին հարաբերությունների հանձնաժողովը սատարել է պետքարտուղարի պաշտոնում ExxonMobil նավթային ընկերության նախկին ղեկավար Ռեքս Թիլերսոնի թեկնածությունը: Այս մասին հաղորդում է BBC-ն: Հանձնաժողովի անդամների տեսակետները բաժանվել են՝ ըստ կուսակցական պատկանելության. 11 հանրապետականներ կողմ են քվեարկել, 10 դեմոկրատներ՝ դեմ: Պաշտոնը ստանձնելու համար Թիլերսոնը պետք է ստանա Ներկայացուցիչների պալատի անդամների հավանությունը. առնվազն 51 ձայն՝ 100-ից: Հանրապետականները Սենատում մեծամասնություն են կազմում՝ 52 ձայն: Սակայն մի քանի ազդեցիկ հանրապետականներ, այդ թվում՝ Ջոն ՄաքՔեյնը, Լինդսի Գրեմն ու Մարկո Ռուբիոն ավելի վաղ քննադատել են Թիլերսոնի թեկնածությունը, բայց հետո որոշել սատարել նրան: Լիագումար նիստում Թիլերսոնի թեկնածության շուրջ քվեարկությունն ակնկալվում է հաջորդ շաբաթ: