Թուրքիայի ընդդիմության սխալը` իրական խնդիրների և հասարակության սպասումների հանդեպ կարճատեսությունն է: Ընդդիմությունն առաջարկում է միայն նախագահ Էրդողանի խոստումների և քաղաքականությանն այլընտրանք: Այդ մասին հայտարարել է Թուրքիայի նախագահի խորհրդական Իլնուր Չևիկը, փոխանցում է Sabah-ը: Նա նշել է, որ վերջին տարիներին ընդդիմությունը զբաղվում է Էրդողանի դարաշրջանին վերջ տալու փորձերով` ցանկացած գնով: Սակայն այդ նպատակին հասնելու ճանապարհին ընդդիմությունը պարտություն է կրել: Ըստ նրա, Էրդողանը ցանկանում է Թուրքիան մտցնել խոշոր տնտեսությունների տասնյակ, բարեփոխել պետական համակարգը, իսկ ընդդիմությունը ցանկանում է կազմաքանդել Էրդողանի ստեղծածը`թուրք ժողովուրդը դա չի ցանկանում:
