Այսօր ՀՀ Անվտանգության խորհրդի քարտուղար Արմեն Գրիգորյանը Ռուսաստանի Դաշնության Ուֆա քաղաքում «Անվտանգության հարցերը համակարգող բարձրաստիճան ներկայացուցիչների ամենամյա տասներորդ հանդիպման» շրջանակներում հանդիպել է Մոլդովայի Անվտանգության բարձրագույն խորհրդի քարտուղար Արթուր Գումենյուկի հետ։ Հանդիպման ընթացքում կողմերը քննարկել են ԱԽ գրասենյակների միջև համագործակցության շուրջ փաստաթղթի կնքման հարցը և փոխանակվել համատեղ աշխատանքի կազմակերպման գաղափարներով։ Հաջորդիվ Գրիգորյանը ներկայացրեց Հայաստանի ներքաղաքական վիճակը և նախապատրաստվող դատական ռեֆորմները, իսկ ԱԳումենյուկը ներկայացրեց Մոլդովայում ստեղծված սահմանադրական ճգնաժամի մանրամասները և նախատեսվող լուծումները։ Քարտուղարները պայմանավորվեցին հաջորդ երկկողմ հանդիպումն անցկացնել Քիշնևում։
