Երևանի քաղաքապետ Հայկ Մարությանը լրագրողների հետ ճեպազրույցում հայտարարել է, որ «Սանիթեք» ընկերությունն արդեն 6-րդ օրն է՝ դուրս չի եկել աղբահանության: Դիտարկմանը, թե արդյոք դա կարող է հիմք հանդիսանալ «Սանիթեքի» հետ պայմանագրի լուծարման՝քաղաքապետն ասել է.«Սա հիմք է հանդիսանում պրոցես սկսելու, որն ընթացքի մեջ է», հայտնում է Aysor.am-ը: Ավելի վաղ «Սանիթեք» ընկերությունը հայտարարություն էր տարածել՝ տեղեկացնելով, որ իր կողմից ծառայությունների մատուցումը վտանագված է, քանի որ ընկերությանը վճարվող գումարից պահվել է ավելի քան 300 միլիոն ՀՀ դրամ: «Սանիթեք» ընկերության տնօրինությունը հայտարարություն է տարածել՝ համաքաղաքացիների ներողամտությունը հայցելով ծառայությունների մատուցման հետագա վատթարացման համար:
