Իրանի Իսլամական Հանրապետության նախագահ Մասուդ Փեզեշքիանը շնորհավորական ուղերձ է հղել ՀՀ իշխանություններին և ժողովրդին` սեպտեմբերի 21-ին նշվող Անկախության օրվա առթիվ։ ՀՀ նախագահ Վահագն Խաչատուրյանին ուղղված ուղերձում Իրանի նախագահը հույս է հայտնել, որ առաջիկա տարիներին երկու բարեկամ և հարևան երկրների հարաբերություններն ավելի կխորանան տարբեր հարթություններում, ինչը օգուտ կբերի երկու ժողովուրդներին։ Իրանն առաջին երկրներից էր, որը ճանաչեց Հայաստանի Հանրապետության անկախությունը, և այդ օրվանից երկուսն էլ լավ հարևաններ են, ՀՀ վարչապետ Նիկոլ Փաշինյանին ուղղված ուղերձում ասել է Փեզեշքիանը։ Նա նաև ուրախությամբ արձանագրել է Իրանի և Հայաստանի միջև ամուր և կայուն կապերը, որոնք, նրա խոսքով, աստիճանաբար զարգանում են։ Իրանի նախագահը հույս է հայտնել, որ Հայաստանի հետ կապերն էլ ավելի կամրապնդվեն։
