ԱՄՆ-ում ՀՀ դեսպան Լիլիթ Մակունցը մարտի 4-ին հանդիպել է Կոնգրեսական Մայքլ Լոուլերի հետ (Հանրապետական, Նյու Յորք): Այս մասին հաղորդագրություն է տարածել ԱՄՆ-ում ՀՀ դեսպանությունը։ Հանդիպմանը կողմերն անդրադարձել են ՀՀ-ԱՄՆ երկկողմ հարաբերությունները խթանելուն և այդ հարցում Կոնգրեսի կարևոր դերակատարմանը։ Դեսպանն ամփոփ ներկայացրել է Հայաստան-Ադրբեջան խաղաղության գործընթացը։ Իր հանրային ելույթներում Կոնգրեսականը բազմիցս աջակցություն է հայտնել ՀՀ տարածքային ամբողջականությանն ու ինքնիշխանությանը, ինչի առնչությամբ դեսպանը շնորհակալություն է հայտնել կոնգրեսականին։
