ԱԺ «Հայաստան» խմբակցության պատգամավոր Արթուր Ղազինյանի համար 11 թիվը ևս հաջող չէր. Ազգային ժողովի Պաշտպանության և անվտանգության հարցերի մշտական հանձնաժողովը հերթական՝ 11-րդ անգամ նրան չընտրեց հանձնաժողովի նախագահի տեղակալ: Նիստը նախագահող, ՔՊ խմբակցության պատգամավոր Անդրանիկ Քոչարյանն ասաց, որ «Հայաստան» խմբակցության ղեկավար Սեյրան Օհանյանին հարցեր ունի, բայց վերջինս ցավոք ներկա չէ նիստին. «Ճիշտ է, հանրահավաքներում կարելի է տեսակետներ ասել, բայց հանձնաժողովի նիստերը հանձնաժողովի նիստ են ու պարտադիր պահանջներ են թելադրում»,- ասաց նա:
