Հայաստանն ու Ռուսաստանը դիվանագիտական և ռազմական խողովակներով խորհրդակցություններ են անցկացնում հայ-ադրբեջանական սահմանին տիրող իրավիճակի վերաբերյալ: Ինչպես հայտնում է ՏԱՍՍ-ը, այս մասին ասել է ՌԴ-ում ՀՀ դեսպան Վարդան Տողանյանը: Նա նշել է, որ օպերատիվ կապի միջոցով խորհրդակցություններ են անցկացվում՝ ռազմական, այլ գերատեսչությունների, դիվանագիտական խողովակներով: "Հայաստանը դեռ պաշտոնական նամակ չի փոխանցել ռուսական կողմին՝ սահմանին ստեղծված իրավիճակը հանգուցալուծելու հարցում օգնելու համար", - ընդգծել է նա:
