ԱԳՆ-ում Զասին ասել են` ինչ է ակնկալում Երևանը ՀԱՊԿ-ից

Հայաստանի արտաքին գործերի նախարարի տեղակալ Վահե Գևորգյանը սեպտեմբերի 23-ին հանդիպել է Հավաքական անվտանգության պայմանագրի կազմակերպության գլխավոր քարտուղար, Հայաստանում ՀԱՊԿ առաքելության ղեկավար Ստանիսլավ Զասի հետ։

Ինչպես հայտնում են ՀՀ արտաքին գործերի նախարարությունից, կողմերը քննարկել են Ադրբեջանի կողմից ՀՀ ինքնիշխան տարածքի նկատմամբ իրականացվող ագրեսիայի հետևանքով ստեղծված իրավիճակը և այն հաղթահարելուն ուղղված հավաքական քայլերը։

Ըստ աղբյուրի՝ ՀՀ ԱԳ նախարարի տեղակալը նշել է, որ հայկական կողմը ՀԱՊԿ-ից ակնկալում է հստակ գործողություններ` ՀԱՊԿ անդամ Հայաստանի տարածքային ամբողջականության վերականգնման և նոր սրացումների կանխարգելման ուղղությամբ։