Ռուսական զորքերը վերահսկողության տակ են վերցրել Չեռնոբիլի ատոմակայանը։ Այս մասին հայտարարել են Կիևում և հաստատել համացանցում տեղադրված տեսանյութերը, գրում է EADaily-ն։ «Դաժան մարտից հետո մենք կորչցրել ենք վերահսկողությունը Չեռնոբիլի տարածքի վրա։ Անհայտ է նախկին Չեռնոբիլի ատոմակայանի օբյեկտների, միջուկային թափոնների արգելափակման ու պահեստավորումն վիճակը»,- ասել է նախագահի գրասենյակի ղեկավարի խորհրդական Միխայիլ Պոդոլյակը, փոխանցում է ՈՒՆԻԱՆ-ը։ Տեղեկությունն անուղղակիորեն հաստատում են համացանցում հայտնված տեսանյութերը։ Դրանցից երևում է, որ կայանի գլխավոր շենքի մոտ տեղակայված են առանց մակնշման զրահամեքենաներ։ Հինգշաբթի առավոտյան Պուտինը որոշել է հատուկ ռազմական գործողություն իրականացնել՝ կապված Դոնբասում տիրող իրավիճակի հետ։ Ուկրաինայում ռազմական դրություն է մտցվել: Օրվա ընթացքում ռուս զինվորականները, ըստ պաշտպանության նախարարության, ոչնչացրել են Ուկրաինայի ռազմական ենթակառուցվածքի 74 օբյեկտ, այդ թվում՝ 11 օդանավակայան և ռազմածովային բազա։
