ԱՄՆ նախագահ Դոնալդ Թրամփի թիմի մարտավարությունը քիչ բանով է տարբերվում նախկին նախագահ Բարաք Օբամայի վարչակազմի քաղաքական գծից, Libero պարբերականի հետ զրույցում ասել է ՌԴ ԱԳ նախարար Սերգեյ Լավրովը, փոխանցում է «ՌԻԱ Նովոստի»–ն։Լավրովի խոսքով՝ ԱՄՆ ներկայիս իշխանությունների շատ կոնկրետ գործողություններ իներցիոն բնույթ են կրում։«Ավելին՝ Վաշինգթոնում հակառուսական լոբբի քարոզչության տակ ավելի ու ավելի ոչ բարեկամական քայլեր են ձեռնարկվում տարբեր ոլորտներում»,– ասել է նախարարը իտալական թերթին։Լավրովը նշել է, որ միակողմանի պատժամիջոցները ընդլայնվում են, իրականացվում են գլոբալ հակահրթիռային պլաններ, ՆԱՏՕ–ն ԱՄՆ սահմանների մոտ մեծացնում է իր ռազմական ներկայությունը։«Աննախադեպ էր Սան Ֆրանցիսկոյում ՌԴ հյուպատոսության փակումը եւ մեր պետության սեփականություն համարվող դիվանագիտական օբյեկտների առգրավումը»,– ասել է Լավրովը։