Վրացական կողմի խնդրանքով Վրաստանի վարչապետ Գիորգի Կվիրիկաշվիլիի այցը Հայաստան հետաձգվել է անորոշ ժամանակով: Այն կկայանա Վրաստանի խորհրդարանի կողմից երկրի կառավարության կազմը հաստատելուց հետո: Այս մասին հայտնում են կառավարությունից: Ավելի վաղ հայտնել էինք, որ դեկտեմբերի 1-ին Հայաստանի Հանրապետության վարչապետ Կարեն Կարապետյանի հրավերով պաշտոնական այցով Հայաստան պետք է ժամաներ Վրաստանի վարչապետ Գիորգի Կվիրիկաշվիլիին: Այցի շրջանակներում նախատեսված էր նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի եւ վարչապետի հետ: Նշենք, որ ՀՀ վարչապետ Կարեն Կարապետյանը պաշտոնական այցով Վրաստան էր մեկնել ընթացիկ տարվա փետրվարին:
