Թեհրանն ապագայում նույնպես Ադրբեջանի հետ հարաբերությունները համարելու է առաջնահերթություն: Իրանը շարունակելու է Ադրբեջանի հետ կապերը խորացնել տնտեսական և դիվանագիտական ոլորտներու, փոխանցում է Caucasus Watch-ը: Այդ առումով TANAP-ը խոշոր նախագիծ է, որը բոլոր շանսերն ունի կյանքի կոչվել: Բացի այդ, խոստումնալից է նաև Հյուսիս-Հարավ տրանսպորտային միջանցքը, որը թույլ կտա Իրանին խորացնել կապերն Ադրբեջանի հետ: Իրանը փորձելու է դառնալ Ադրբեջանի համար տնտեսական առաջնահերթ գործընկեր Եվրասիայում, սակայն դրան կարող են խանգարել այն պատժամիջոցները, որոնք սահմանվում են Իրանի նկատմամբ:
