Փաշինյանի դեմ շարժումը սեփականաշնորհելու գործընթաց էր սկսվել. Գեւորգ Պետրոսյան
Վարչապետ Նիկոլ Փաշինյանի հրաժարականի պահանջող շարժումը հաջողության չհասավ, քանի որ այն սեփականաշնորհելու գործընթաց էր սկսվել, ամեն մեկն ուզում էր իր կողմը քաշել: Այդ մասին խորհրդրանում այսօր՝ մարտի 24-ին, լրագրողների հետտ զրույցում հայտարարել է Գեւորգ Պետրոսյանը:
Նրա խոսքով, շարժումը սկսվեց բուռն ոգեւորությամբ, սակայն հետո նկատվեց այն սեփականաշնորհելու գործընթաց, սակայն պատգամավորը չցակացավ նշել, թե ով կամ որ ուժերն էին փորձում շարժումը սեփականաշնորհել:
«Դուք շատ իրազեկ մարդիկ եք, ես անուններ չտամ: Երբ անուններ եմ տալիս, դա որակվում է որպես թշնամական վերաբերմունք: Բայց ակնհայտ է ելույթներից, թե ով պետք է ելույթ ունենա, սրա համաձայնությունը ստացեք: Էդ էր մնում պակաս, որ ես գնամ համաձայնություն ստանամ, որ ելույթ ունենամ», - ասաց նա՝ հավելելով, որ շարժումը սեփականաշնորհելու և լոկոմոտիվի դերում հանդես գալու միտում էր նկատվում:
«Շարժումը սեփականաշնորհել, փորձել երեւալ որպես լոկոմոտիվը, առաջինը, ինձ նման բաները դուր չի գալիս: Դրա համար, նկտել եք, որ ես մի անգամ եմ բեմ բարձրացել, ելույթ ունեցել»,-ասաց նա և խոսեց քաղաքականությունից հեռանալու հավանականության մասին:
«Ընտրություն կլինի, թե չի լինի, ինձ շատ քիչ է հետաքրքրում, հնարավոր է՝ ես ընդհանրապես չմասնակցեմ ընտրություններին, հնարավոր է դուրս գամ քաղաքականությունից, որովհետեւ ինձ դուր չի գալիս այս ամեն ինչը», - հայտնեց նա՝ հավելելով, որ ոչ ընդդիմությունն է կարգին քայլ անում, ոչ իշխանությունն է կարողանում երկիրը ղեկավարել, «մենք էլ քննադատելով դառնում ենք վատամարդ»:
«Ես հաճույքով չեմ գալիս աշխատանքի: Հիմա մեծ հաճույքով դուրս կգամ քաղաքականությունից, որովհետեւ այստեղ մեծ հաշվով, քաղաքականություն չկա, կա անձնական շահեր, կորպորատիվ շահեր»,-ասաց նա ու րոպեներ անց հերթեց ինքն իրեն:
«Ես ցանկություն ունեմ քաղաքականությունը շարունակել, քաղաքականության մեջ անելիքներ ունեմ, բայց եթե այս մթնոլորտն է լինելու, ավելի լավ է զբաղվեմ իմ մասնագիտական աշխատանքով», - եզրափակեց պատգամավորը:
