ԱՀ նախագահը ընդունել է «Ջավախքը հայի կողքին է» բարեգործական հիմնադրամի ներկայացուցիչներին

Արցախի Հանրապետության նախագահ Արայիկ Հարությունյանն օգոստոսի 9-ին ընդունել է «Ջավախքը հայի կողքին է» բարեգործական հիմնադրամի ներկայացուցիչներին:

Երկրի ղեկավարն իր խոսքում կարևորել է ջավախահայության ակտիվ ներգրավվածությունը Հայրենիքի համար կարևոր գործընթացներում՝ ի մասնավորի նշելով Հիմնադրամի խողովակով անցած տարվա աշնանն Արցախի դեմ Ադրբեջանի սանձազերծած պատերազմի ընթացքում արցախահայությանը ցուցաբերած հումանիտար աջակցությունը:

Հանդիպման ընթացքում, ի նշան երախտագիտության, նախագահ Հարությունյանը Հիմնադրամի ղեկավար Կարեն Պապիկյանին Շնորհակալագիր է հանձնել: