Միջազգային հանրությանը քիչ է հետաքրքրում Արցախի հարցը. Էդմոն Մարուքյան

Միջազգային հանրությունը շատ ցածր հետաքրքրվածություն ունի Արցախյան հակամարտության կարգավորման ներկայիս գործընթացի մասին: Այդ մասին ֆեյսբուքյան իր էջում գրել է «Լուսավոր Հայաստան» կուսակցության նախագահ Էդմոն Մարուքյանը: 


«Երեկվա հանդիպման անտարբեր և սուղ լուսաբանումը միջազգային մամուլում նույնպես փաստում է այն հանգամանքը, որ միջազգային հանրությունը շատ ցածր հետաքրքրվածություն ունի մեր տարածաշրջանի կամ Արցախյան հակամարտության կարգավորման ներկայիս գործընթացի մասին», - ֆեյսբուքյան իր էջում գրել է Մարուքյանը:


Նա ընդգծել է`պետք է լավ աշխատանք տանել նաև միջազգային հարթակներում, «բայց չմոռանալ, որ հույսներս մենք ենք ու մեր սարերը»:



VERELQ-ը հիշեցնում է, որ Հայաստանի վարչապետ Նիկոլ Փաշինյանը, Ռուսաստանի նախագահ Վլադիմիր Պուտինը և Ադրբեջանի նախագահ Իլհամ Ալիևը նոյեմբերի 26-ի երեկոյան Սոչիում կայացած եռակողմ հանդիպման արդյունքներով ընդունել են համատեղ հայտարարություն, որով վերահաստատեցինք 2020թ. նոյեմբերի 9-ի և 2021թ. հունվարի 11-ի հայտարարությունների բոլոր դրույթների հետագա, հետևողական իրականացման և անվերապահ պահպանման հանձնառությունը:


Կողմերը նաև պայմանավորվել են ադրբեջանա-հայկական սահմանին կայունության և անվտանգության մակարդակը բարձրացնելուն ուղղված քայլեր ձեռնարկել և գործընթացը մղել Հայաստանի Հանրապետության և Ադրբեջանի Հանրապետության միջև պետական սահմանի դելիմիտացիայի և այդուհետ դեմարկացիայի հարցերով երկկողմ՝ կողմերի հայտի հիման Ռուսաստանի Դաշնության խորհրդատվական մասնակցությամբ հանձնաժողովի ստեղծման ուղղությամբ։


 


 


 

Տպել

Թեմայի այլ նորություններ
Загрузка...