«Հայաստան» դաշինքը սահմանազատման հարցով խորհրդարանական լսումներ է հրավիրել

Ազգային ժողովում ընթանում են «Հայաստան» ընդդիմադիր դաշինքի նախաձեռնությամբ հրավիրված խորհրդարանական լսումները:

Քննարկման առարկա կդառնա խմբակցության առաջարկած հայ-ադրբեջանական սահմանի սահմանազատման եւ սահմանագծման հարցով Ազգային ժողովի հայտարարության նախագիծը:

Լսումներին հրավիրված են խորհրդարանական բոլոր խմբակցությունները, արտախորհրդարանական քաղաքական ուժերի և հասարակական կազմակերպությունների ներկայացուցիչներ, ռազմական գործիչներ, մտավորականներ:

Բացելով լսումները՝ ԱԺ փոխնախագահ Իշխան Սաղաթելյանը նշեց, որ լսումները լավ հնարավորություն են արտախորհրդարանական ուժերի համար ներկայացնելու իրենց դիրքորոշումն այս հարցի վերաբերյալ:

Լսումները հնարավորություն են ընձեռում խորհրդարանի ամբիոնն օգտագործել միջազգային կազմակերպություններին կոչ անելու, ինչպես նաեւ գործող իշխանություններին պահանջներ ներկայացնելու համար: