Խաչիկ Ասրյանը զգուշացնում է՝ բանակը վարկաբեկողի լեզուն կկտրի

Հայոց պետության անկախությունը յուրաքանչյուրիս համար բացարձակ արժեք է այնպես, ինչպես ծնողը, ընտանիքը, հայրենիքը, իսկ անկախության ամենամեծ ձեռքբերումը Հայոց Ազգային Բանակն է, որը նույնպես բացարձակ արժեք է: Այս մասին ասված է «Հայոց Արծիվներ. Միասնական Հայաստան» կուսակցության  նախագահ Խաչիկ Ասրյանի հայտարարության մեջ:

"Մեզնից յուրաքանչյուրը պարտավոր է, նաև հասարակական հիմունքներով, ամեն օր ներդրում ունենալ Հայոց Ազգային Բանակի անընդհատ հզորացման գործընթացում այնչափ, որ երբևէ չափավորելու կարիքը լինի։

Զինվորին, հրամանատարին և Հայոց Ազգային Բանակը վարկաբեկողի լեզուն կկտրեմ",- զգուշացնում է Ասրյանը:
ՀԱՎԱՏՔՈ՛Վ, ՈւԺԵ՛Ղ, ՄԻԱՍՆԱԿԱ՛Ն։