Ադրբեջանի ԶՈւ-ն կրակ է բացել ՀՀ թիկունքային ապահովման բեռնատար մեքենայի ուղղությամբ

Պաշտպանության նախարարությունը հայտնում է Երասխի հատվածում ադրբեջանական ԶՈւ-ի կրակահերթից հայկական բեռնատար ավտոմեքենայի վնասման մասին:

"Հոկտեմբերի 4-ին, ժամը 23:30-ի սահմաններում, հայ-ադրբեջանական սահմանի Երասխի հատվածում, ադրբեջանական կողմից արձակված կրակահերթից վնասվել է հայկական ԶՈւ թիկունքային ապահովման բեռնատար ավտոմեքենա: Անձնակազմի շրջանում տուժածներ չկան", - ասված է ՊՆ-ի հաղորդագրության մեջ: