Ռուս խաղաղապահները ԼՂ-ում վերահսկողություն են իրականացրել «Օռլան-10» ԱԹՍ-ի օգտագործմամբ

Լեռնային Ղարաբաղում ՌԴ խաղաղապահներն իրենց պատասխանատվության գոտում իրավիճակի օբյեկտիվ վերահսկողություն են իրականացրել «Օռլան-10» անօդաչու թռչող սարքերի օգտագործմամբ:

Ինչպես հաղորդում է ՌԴ ՊՆ մամուլի ծառայությունը, ԱԹՍ-ներն արձակվել են ԿամԱԶ բեռնատար ավտոմեքենայի թափքում տեղադրված կայաններից ու անցկացրել հերթապահություն:

«Այսօր «Օռլան-10» անօդաչու թռչող սարքով համալիրի հաշվարկով անցկացվել է նշանակված շրջանում իրադրության օբյեկտիվ հսկողություն։ Գործարկիչը տեղադրված է եղել ԿամԱԶ տրանսպորտային մեքենայի վրա և ազդանշան ստանալով՝ առաջ է քաշվել կիրառման շրջանի հաշվարկով։ ԱԹՍ-ի կիրառման վերաբերյալ նման գործողությունները խաղաղապահների կողմից պարբերաբար մշակվում են», - ասել է ռուսական խաղաղապահ զորակազմի ներկայացուցիչ Վիտալի Տիմոֆեևը։

ԱԹՍ-ի օգնությամբ ռուս խաղաղապահները իրական ժամանակի ռեժիմում տվյալներ են ստանում կառավարման այն կետին, որտեղ անցկացվում է իրավիճակի շուրջօրյա հսկողություն ռուսական խաղաղապահ զորակազմի պատասխանատվության գոտում գրեթե ողջ տարածքում:

Շտաբի հերթապահ հերթափոխով իրականացվում է խախտումների մասին տեղեկատվության հավաքումը, ամփոփումը և ստուգումը:

Բացի այդ, օբյեկտիվ հսկողությունն ու Օդի միջավայրի մոնիթորինգն իրականացնում են «ֆորպոստ» ԱԹՍ համալիրներով հաշվարկներ։