Պատգամավորը ԱԺ խոսնակին կասկածում է կոռուպցիայի մեջ. ո՞վ է վճարել նրա արձակուրդը

Ընդդիմադիր պատգամավոր Արեգնազ Մանուկյանն Ազգային ժողովի նախագահ Ալեն Սիմոնյանին կոչ է արել հաշվետվություն ներկայացնել, թե ինչ միջոցներով է նա վճարել Հունաստանում թանկ արձակուրդի համար:


Պատգամավորը հետաքրքրվեց, թե ինչու է ԱԺ նախագահը նախընտրել Հունաստանում հանգիստն Արցախ այցելելու փոխարեն՝ Անկախության տոնը նշելու համար: Մանուկյանը հարցրեց, թե արդյոք դա Ադրբեջանի իշխանությունների արգելքի և գերեվարվելու մտավախության հետևանք է:


Սիմոնյանը նշել է, որ Արցախի անկախության օրվա տոնակատարությանը «բավականին ներկայացուցչական պատվիրակություն» է ուղարկվել Հանրապետություն, իսկ իր անձնական կյանքի մասին ինքը մտադիր չէ զեկուցել:


ԱԺ նախագահի պատասխանը չբավարարեց պատգամավորին։ Նա նշել է, որ հաշվի առնելով հայտարարագրում նշված եկամուտները, ինքը չպետք է նման թանկարժեք հյուրանոց վճարելու համար միջոցներ ունենա:


Մանուկյանը խոսնակից պահանջել է տվյալներ ներկայացնել այն մասին, թե որքան է ծախսել Ալեն Սիմոնյանն իր հանգստի վրա։ «Տեղեկատվություն կա, որ ծախսերը հոգացել են բուքմեյքերական գրասենյակներից մեկի սեփականատերերը, իսկ եթե դա այդպես է, ապա բոլորս ականատես ենք լինում կոռուպցիայի դասական դրսեւորման», - հայտարարել է Մանուկյանը:


Խոսնակը նշել է, որ մտադիր չէ մեկնաբանել դեղին մամուլի ստերն ու հորինվածքները։ «Ես չեմ հետեւում դեղին մամուլին, եւ ձեզ խորհուրդ չեմ տալիս։ Ի վերջո, դուք արդեն պատգամավոր եք։ Ես խորհուրդ կտայի ձեզ քաղաքական գործիչներին հատուկ հարցեր տալ, այլ ոչ թե փորձել մնալ մամուլի էջերին՝ հոլովելով իմ անունը», - հայտարարեց Սիմոնյանը և նույնիսկ փորձեց ժպտալ։

Տպել

Թեմայի այլ նորություններ
Загрузка...