Գյումրու փողոցներից մեկի պարսպի տակ նորածին երեխա է գտնվել. նա վերակենդանացման բաժնում է

Հուլիսի 3-ին, ժամը 10:00-10:30-ի սահմաններում Գյումրու Ավտոկայանի մերձակա հատվածի տներից մեկի պարսպի տակ, բարուրով փաթաթված նորածին երեխա է գտնվել:

Տղա երեխայի պորտալարը դեռ փաթաթված է վրան եղել, նա տեղափոխվել է Ավստրիական մանկական հիվանդանոց, որտեղ բժիշկները փաստել են, որ երեխան եղել է սառած, առանց բնածին արատի: 

Երեխան փաթաթված է եղել բարակ ծածկոցով, անխնամ, տակաշորը հողոտ է եղել, խոտի մնացորդներ են եղել վրան:

Բժիշկները հայտնել են, որ նորածին տղան կմնա հիվանդանոցի վերակենդանացման բաժնմունքում: Դեպքի վայրում օպերատիվ քննչական խումբ է աշխատում: