Պաշտպանության նախարարությունում ստեղծվել է զորակոչի հարցերով հանձնաժողով

Ամառային զորակոչի ընթացքում թափանցիկության և օրինականության ապահովման, քաղաքացիների դիմումների քննարկման և բարձրացված հարցերի շուտափույթ լուծման նպատակով ՀՀ պաշտպանության նախարարի հրամանով ստեղծվել է հանձնաժողով: Այս մասին հայտնում են ՀՀ ՊՆ մամուլի ծառայությունից։

Ըստ աղբյուրի, հանձնաժողովի նախագահ է նշանակվել պաշտպանության նախարարի խորհրդական, պաշտպանության նախարարին կից հասարակական խորհրդի նախագահ Գեղամ Հարությունյանը:

Հանձնաժողովի նիստերը տեղի կունենան յուրաքանչյուր ուրբաթ՝ հունիսի 11-ից սկսած Հանրային խորհրդի շենքում Երևան, Բաբայան 6 հասցեում:

Քաղաքացիների դիմումներն ընդունվում են Հանրային խորհրդում աշխատանքային օրերին՝ հակահամաճարակային նորմերի պահպանմամբ կամ փոստով:

Լրացուցիչ տեղեկությունների համար դիմել (010) 20-03-07 հեռախոսահամարով: