Հայաստանում հաստատվել է կորոնավիրուսի 108 նոր դեպք

Հայաստանում մայիսի 31-ին կատարվել է 3 280 թեստավորում, որից հաստատվել է կորոնավիրուսի 108 նոր դեպք, այսինքն, դրական է թեստերի 3,2 տոկոսը։ Այս մասին տեղեկացնում է առողջապահության նախարարությունը։

Առողջացել է 221 մարդ։ Գրանցվել է մահվան 7 դեպք։

Հունիսի 1-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 222 778 դեպք, որոնցից 213 429-ն` առողջացած, 4 445-ը` մահվան ելքով:

Կորոնավիրուսային հիվանդությամբ այս պահին փաստացի բուժում է ստանում 3 822 պացիենտ: Ընդհանուր առմամբ կատարվել է 1 087 240 թեստավորում: