29.03.2024
Ստեփանակերտում ծեծի է ենթարկվել պատգամավոր Հայկ Խանումյանը
prev Նախորդ նորություն

Նորություններ գործընկերներից

Դավիթ Բաբայան. Խանումյանը մարդկանց կարող է անպատվել և հնարավոր է՝ նման բան է եղել

Ավելի վաղ տեղեկացրել էինք, որ այսօր դաժան ծեծի է ենթարկվել ԼՂՀ ԱԺ պատգամավոր Հայկ Խանումյանը: Վերջինս, հիշեցնենք, հանդիսանում է Պաշտպանության բանակի նախկին հրմանատար Սամվել Բաբայանին ԼՂՀ ՊՆ նշանակելու գործընթացի նախաձեռնողը, և հենց այս հանգամանքով են բացատրում ծեծի շարժառիթները:

Հայկ Խանումյանի կինը՝ Դիանա Մովսիսյանը, հայտարարել է, որ մեղավորները ԼՂՀ նախագահն ու նրա շրջապատն են. «Բակո Սահակյանի և կոմպանիայի բանդիտական խունտան է: Ուրիշ ավելացնելու ոչինչ չկա»: VERELQ-ի հետ զրույցում ԼՂՀ նախագահի մամուլի խոսնակ Դավիթ Բաբայանը նշեց, որ Հայկ Խանումյանին լավ ճանաչելով կարող է ասել, որ վերջինս, գուցե , ինչ-որ անձնական խնդրի է բախվել: «Կարող եմ միայն իմ անձնական կարծիքն ասել` դժբախտաբար Խանումյանին լավ ճանաչելով գիտեմ, որ նա մարդկանց կարող է անպատվել և հնարավոր է՝ նման բան է եղել: Բայց այլ բան ասել չեմ կարող, քանի որ ոստիկանություն նման դիմում չի եղել»,- ասաց Բաբայանը՝ հրաժարվելով մեկնաբանել մնացածի մասով:

Հիշեցնենք, որ Հայկ Խանումյանն իր համակիրների հետ աջակցում է Արցախ ժամանած Պաշտպանության բանակի նախկին հրմանատար Սամվել Բաբայանին: Ավելի վաղ Բաբայանը կոշտ քննադատության էր ենթարկել Հայաստանի ու Լեռնային Ղարաբաղի ռազմա-քաղաքական ղեկավարությանն՝ ապրիլյան պատերազմի օրերին իրականացրած քայլերի համար:
ԱԺ-ում դատապարտում են ու խուսափում ծեծը կապել Սամվել Բաբայանի վերադարձի հետ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար