Լավրովն ու Չավուշօղլուն կարևորել են ԼՂ շուրջ իրավիճակի կայունացման ջանքերի շարունակումը

Մայիսի 10-ին Ռուսաստանի արտգործնախարար Սերգեյ Լավրովը հեռախոսազրույց է ունեցել Թուրքիայի արտգործնախարար Մևլութ Չավուշօղլուի հետ։ Այս մասին հայտնում է ՌԴ ԱԳՆ մամուլի ծառայությունը։


Արտաքին քաղաքական գերատեսչությունների ղեկավարները լուրջ մտահոգություն են հայտնել պաղեստինա-իսրայելական հարաբերությունների սրման և Արեւելյան Երուսաղեմում, առաջին հերթին Ալ Աքսա մզկիթի համալիրի շրջանում լարվածության վտանգավոր աճի կապակցությամբ:


Այս համատեքստում նախարարները դատապարտել են պաղեստինցիների տեղահանումը իրենց բուն բնակության շրջանից՝ Շեյխ Ջարախ թաղամասից եւ միջազգային միջնորդների «քառյակի»՝ մերձավորարեւելյան կարգավորման գծով հատուկ ներկայացուցիչների՝ 2021 թվականի մայիսի 8-ի համատեղ հայտարարության ոգով:


Կոչ են արել հակամարտության բոլոր կողմերին զսպվածություն ցուցաբերել եւ թույլ չտալ գործողություններ, որոնք սպառնում են իրադրության հետագա սրմամբ մահմեդականների համար սրբազան Ռամադան ամսում:


Երկու երկրների նախագահների միջև ձեռք բերված պայմանավորվածության համաձայն՝ Սերգեյ Լավրովը և Մեվլութ Չավուշօղլուն քննարկել են Ռուսաստանից Թուրքիա կորոնավիրուսային վարակի դեմ պատվաստանյութի մատակարարման, ինչպես նաև դրա արտադրության կազմակերպման հեռանկարները։


Բացի այդ, կարևորվել է Լեռնային Ղարաբաղի շուրջ իրավիճակի կայունացմանն ուղղված ջանքերի շարունակումը։

Տպել

Թեմայի այլ նորություններ
Загрузка...