«Լուսավոր Հայաստան» խմբակցությունն ընտրվելու դեպքում կոալիցիա չի կազմի Փաշինյանի հետ

«Լուսավոր Հայաստան» խմբակցությունն ընտրվելու դեպքում կոալիցիա չի կազմի Նիկոլ Փաշինյանի հետ»: Այս մասին  խորհրդարանական ճեպազրույցների ժամանակ հայտարարեց ՀՀ ԱԺ ԼՀԿ խմբակցության ղեկավար Էդմոն Մարուքյանը:

«Մենք այս պահին միակ ուժն ենք, որը հայտարարել է, որ ընտրվելու դեպքում չի կազմելու կոալիցիա Նիկոլ Փաշինյանի հետ»,- ասաց Մարուքյանը:

Նա նաև հերթական անգամ դիմեց նախկին իշխանություններին՝ նշելով, որ եթե նրանք իսկապես ցանկանում են փոխել երկրի քաղաքական ղեկավարությունը, ապա պետք է դուրս գան քաղաքական գործընթացներից:

«Հեղափոխական գործընթացները Հայաստանում միայն վերջերս են տեղի ունեցել, իսկ երեք տարին շատ կարճ ժամանակ է: Եվ հետո, եթե նրանք սկսեն ակտիվանալ և խորացնել հասարակության մասնատման գործընթացը, ապա մեծ ծառայություն և աջակցություն կմատուցեն Նիկոլ Փաշինյանին, ինչը տեսանելի է նաև հարցումների միջոցով»,- հավելեց Մարուքյանը: