Թուրքիայում գրանցվել է տուրիստնրի քանակի ռեկորդային անկում

2016 թվականի ապրիլին Թուրքիա այցելած արտասահմանցի զբոսաշրջիկների թիվը, անցած տարվա նույն ժամանակահատվածի ցուցանիշի հետ համեմատած, նվազել է 28 տոկոսով:

Այս մասին, Meduza-ի փոխանցմամբ, վկայում են Թուրքիայի զբոսաշրջության եւ սպորտի նախարարության տվյալները:

Սա, ըստ Reuters գործակալության, թուրքական զբոսաշրջության պատմության վերջին 17 տարիների ընթացքում գրանցված ամենամեծ անկումն է: Մանրամասնվում է, որ ամենաշատը` 80 տոկոսով, նվազել է Ռուսաստանից Թուրքիա այցելող զբոսաշրջիկների քանակը: Մոտ երեսուն տոկոսով էլ նվազել է Գերմանիայից զբոսաշրջիկների հոսքը:

Նշենք, որ անցած տարվա նոյեմբերին Թուրքիայի կողմից ռուսական ռազմական ինքնաթիռի խոցումից հետո Մոսկվան սկսեց պատժամիջոցներ կիրառել Անկարայի նկատմամբ, այդ թվում` զբոսաշրջության ոլորտում: