Հայաստանում կստեղծվեն մասնագիտացված հակակոռուպցիոն դատարաններ

ԱԺ պետական-իրավական հարցերի մշտական հանձնաժողովը հավանություն տվեց երկրորդ ընթերցման ներկայացված Դատական օրենսգրքում եւ հարակից օրենքներում փոփոխությունների փաթեթին:

Փոփոխությունների փաթեթը ենթադրում է հակակոռուպցիոն մասնագիտացված դատարանների ստեղծում ինչպես առաջին ատյանի, այնպես էլ վերաքննիչ մակարդակով։ Հեղինակների մտահղացմամբ՝ բարեփոխումների արդյունքում կապահովվի կոռուպցիայի գործերով մասնագիտական դատաքննություն, ինչն իր հերթին կնպաստի կոռուցպիայի դեմ պայքարի արդյունավետության բարձրացմանը։

Արդարադատության նախարար Ռուստամ Բադասյանը նշեց, որ առաջին ընթերցմամբ փոփոխությունների փաթեթի ընդունումից հետո կառավարության նախաձեռնությամբ կատարվել են մի շարք բովանդակային և տեխնիկական փոփոխություններ: Հանձնաժողովը հավանություն է տվել կառավարության կողմից լրամշակված բարեփոխումների փաթեթը, հայտնում է աժ մամուլի ծառայությունից: