Ոստիկանությունը ձերբակալել է ԶՈւ ԳՇ պետի նախկին տեղակալ Տիրան Խաչատրյանի կնոջը

Երևանում այսօր՝ ապրիլի 7-ին, տեղի ունեցած ակցիայի ընթացքում իրավապահները ձերբակալել են գլխավոր շտաբի պետի նախկին առաջին տեղակալ Տիրան Խաչատրյանի կնոջը՝ Ամեստ Երիցյանին:

Այս մասին Facebook-ի իր էջում հայտնել է «ՎԵՏՈ» շարժման ղեկավար Նարեկ Մալյանը։

Ավելի ուշ նա ազատ է արձակվել:

VERELQ-ը հիշեցնում է, որ «ՎԵՏՈ» շարժման մասնակիցներն այսօր կառավարության շենքի դիմաց բողոքի ակցիա են կազմակերպել՝ պահանջելով վարչապետ Նիկոլ Փաշինյանի հրաժարականը։ Ընդ որում, կանայք փորձել են ճեղքել ոստիկանների պատնեշը եւ մտնել կառավարության շենք, սակայն կանգնեցվել են։ Գործի են դրվել ձվեր. ցուցարարները դրանք նետել են ոստիկանների ուղղությամբ։

Բողոքի ակցիայի մասնակիցների եւ ուժայինների միջեւ բախում է սկսվել։ Ուժայինները սկսել են բերման ենթարկել ակտիվիստներին։