Շտայմայերը կրկին խոսել է ՌԴ-ին G8 վերադարձնելու անհրաժեշտության մասին

Գերմանիայի արտաքին գործերի նախարար Ֆրանկ-Վալտեր Շտայմայերը հայտարարել է Եվրամիությունում հակառուսական պատժամիջոցներին ընդդիմացողների քանակի ավելացման մասին: Այս կերպ նա Der Tagesspiegelին տված հարցազրույցում պատասխանել է ուկրաինական ճգնաժամի պատճառով ՌԴ-ի դեմ կիրառած պատժամիջոցների ժամկետի երկարաձգման մասին հարցին:

«Եվրամիությունում հակառուսական պատժամիջոցներին ըդդիմացողների քանակն ավելացել է: Անցյալ տարվա հետ համեմատած այժմ դժվար կլինի միասնական վերաբերմունք ձեւավորել այս հարցին: Բայց չնայած այդ հանգամանքին, մենք ձգտելու ենք դրան», - ասել է Ֆրանկ-Վալտեր Շտայմայերը, հայտնում է РБК-ն:

Միեւնույն ժամանակ Շտայմայերը կողմ է արտահայտվել Ռուսաստանին մեծ «ութնյակ» վերադարձնելուն: «Միշտ տպավարություն է ստեղծվում, թե Ռուսաստանի մասնակցությունն այս կամ այն միջազգային ձեւաչափերին նվեր է Մոսկվայի համար: Սակայն մենք մոռանում ենք այն մասին, թե ինչու է մեզ համար կարեւոր Ռուսաստանի ներգրավվումը միջազգային գործընկերության մեջ եւ վերջինիս հետ պատասխանատվության կիսումը», - ասել է նա:

Շտայմայերը նշել է, որ ճգնաժամային ժամանակներում անհրաժշետ են այդ ձեւաչափերը, որոնց միջոցով երկրները կարողանում են հարթել երկխոսություն եւ վերադառնալ բանակցային սեղան:

«Չկան համոզիչ պատմական օրինակներ, որոնք կապացուցեն, որ մեկուսցումը կարող է խաղաղություն բերել աշխարհին: Այսպիսով, հիմնական արդյունաբերական զարգացած երկրները պետք է հետաքրքրված լինեն Ռուսաստանի G8 վերադարձով, իհարկե, Մինսկի համաձայնագրերի կատարման դեպքում», - ասել է նախարարը: «Բոլորը լավ հասկանում են, որ մենք Ռուսաստանի կարիքն ունենք խոշոր միջազգային ճգնաժամերի լուծման հարցում», - եզրափակել է նա: