Նարինե Խաչատուրյանը (Թուխիկյան) ազատվել է ԿԳՄՍ փոխնախարարի պաշտոնից

ՀՀ վարչապետ Նիկոլ Փաշինյանի որոշմամբ՝ Նարինե Խաչատուրյանը (Թուխիկյան) ազատվել է ԿԳՄՍ փոխնախարարի պաշտոնից: ՀՀ կառավարության կայքում հրապարակված համապատասխան որոշման մեջ ասվում է.


Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Նարինե Խաչատուրյանին ազատել կրթության, գիտության, մշակույթի եւ սպորտի նախարարի տեղակալի պաշտոնից:


ՀՀ վարչապետի որոշմամբ՝ Նարինե Խաչատուրյանը ԿԳՄՍ նախարարի տեղակալ էր նշանակվել է 2019 թվականի հունիսին։


Հիշեցնենք, որ մինչ այդ Նարինե Խաչատուրյանը Ազգային ժողովի «Իմ քայլը» խմբակցության պատգամավոր էր։ Մոտ 5 ամիս պաշտոնավարելուց հետո նա 2019 թվականի մայիսի 31-ին պատգամավորական մանդատից հրաժարվելու դիմում էր ներկայացրել, որից մեկ շաբաթ անց նրա լիազորությունները դադարեցվել էին:


Նարինե Խաչատուրյանը 2018 թվականի դեկտեմբերի 9-ին ԱԺ պատգամավոր էր ընտրվել «Իմ Քայլը» կուսակցությունների դաշինքի համապետական ընտրական ցուցակով:

Տպել

Թեմայի այլ նորություններ
Загрузка...