Երեւան-Մինվոդի չվերթով տուն են վերադարձել ևս 98 ռուսաստանցիներ. ՌԴ դեսպանատուն

Երևան-Միներալնիե Վոդի-Երևան երթուղովով ՀՀ քաղաքացիների համար նախապատրաստվող չվերթի մասին տեղեկություններ ստանալուց հետո դեսպանատունը մշակել է ռուսաստանցիներին հայրենիք վերադարձնելու նպատակով այդ թռիչքն օգտագործելու հնարավորությունը:

Այս մասին տեղեկանում ենք Հայաստանում ՌԴ դեսպանության ֆեյսբուքյան էջից:

«Անհրաժեշտ պայմանավորվածություններ են ձեռք բերվել Ռուսաստանի իշխանությունների և գերատեսչությունների, ինչպես նաև Ռուսաստանի կառավարությանն առընթեր օպերատիվ շտաբի հետ: Արդյունքում, հուլիսի 30-ին նշված չվերթով տուն են վերադարձել ևս 98 ռուսաստանցիներ։

Ընդհանուր առմամբ համալիր աշխատանքի շրջանակներում Հայաստանից դուրս է բերվել 3284 մարդ։

Ռուսաստանցիների՝ տուն վերադարձի կազմակերպման մասով աշխատանքը շարունակվում է»,- նշվում է հաղորդագրությունում։