28.03.2024
Տոնոյանն Իրանի դեսպանի հետ քննարկել է իրավիճակը հայ-ադրբեջանական պետական սահմանին
prev Նախորդ նորություն

Նորություններ գործընկերներից

Հայաստանի և Ադրբեջանի սահմանին իրավիճակի սրումը մտահոգիչ է. ՌԴ ԱԳՆ

Հայաստանի և Ադրբեջանի սահմանին իրավիճակի սրումը մտահոգիչ է, Լեռնային Ղարաբաղի հակամարտությունը պետք է լուծել խաղաղ ճանապարհով: Այս մասին հայտարարել է ՌԴ ԱԳՆ Տեղեկատվության եւ մամուլի դեպարտամենտի փոխտնօրեն Ալեքսեյ Զայցևը, փոխանցում է "ՌԻԱ Նովոստի"-ն։


«Ռուսաստանում մեծ անհանգստությամբ են ընդունել վերջին շրջանում մեր բարեկամ Հայաստանի և Ադրբեջանի սահմանին իրավիճակի սրումը։ Համոզված ենք, որ Լեռնային Ղարաբաղի բազմամյա հակամարտությունը, ինչպես և ցանկացած այլ տարաձայնություն միջազգային ասպարեզում, անհրաժեշտ է լուծել բացառապես խաղաղ միջոցներով, դիվանագիտական բանակցությունների ճանապարհով», - ասել է նա հինգշաբթի կայացած ճեպազրույցի ժամանակ:


Զայցեւն ընդգծել է, որ Ռուսաստանի ղեկավարությունը ձեռնարկել է բոլոր անհրաժեշտ ջանքերը հետագա էսկալացիան թույլ չտալու համար, այդ թվում՝ տարածաշրջանում առանցքային գործընկերների հետ օպերատիվ փոխգործակցության միջոցով: Մասնավորապես, Զայցեւը հիշատակել է Ռուսաստանի արտաքին գործերի նախարար Սերգեյ Լավրովի վերջին հեռախոսազրույցները ադրբեջանցի եւ հայ գործընկերների հետ, ինչպես նաեւ թուրքական կողմի հետ Անդրկովկասում եւ կոնկրետ Լեռնային Ղարաբաղի հակամարտության կարգավորման շուրջ ընթացիկ իրավիճակի քննարկումը:


«Երկուստեք արձանագրելով լուրջ մտահոգություն տարածաշրջանում իրադարձությունների վտանգավոր զարգացումների վերաբերյալ` Ռուսաստանն ու Թուրքիան ելնում են առկա խնդիրների քաղաքական-դիվանագիտական լուծման այլընտրանքի բացակայությունից` միջազգային իրավունքի սկզբունքների հիման վրա, ի շահ Ադրբեջանի և Հայաստանի ժողովուրդների», - ասել է նա:


«Տրամադրված ենք այսուհետ եւս գործընկերների, այդ թվում եւ Թուրքիայի հետ համատեղ աշխատել տարածաշրջանում ընդհանուր իրադրությունը կայունացնելու նպատակով, ակտիվորեն նպաստել Երեւանի եւ Բաքվի միջեւ քաղաքական երկխոսության հաստատմանը», - եզրափակել է նա:

Գիշերը Ադրբեջանը հայկական դիրքերի ուղղությամբ արձակել է շուրջ 155 կրակոց
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար