ՌԴ քաղաքացիները կկարողանան Հայաստանից հայրենիք վերադառնալ օգոստոսի 2-ին և 8-ին

Հայերեն

Դատապարտում եմ հերյուրանք հրապարակելու կամ տարածելու ցանկացած փորձ. մարզպետը հերքում է

29.07.2020

ՀՀ Տավուշի մարզպետ Հայկ Չոբանյանն անդրադարձել է հրապարակմանը, որտեղ նշվում է, որ ինքը Բերդ քաղաքում մեծ խնջույք է կազմակերպել՝ ավելի քան 50 մարդու մասնակցությամբ:

«Լրատվականներից մեկը ստահոդ հրապարակում է արել իմ կողմից բազմամարդ խնջույք կազմակերպելու մասին, որոշներն էլ տարածում են այն։ Չեմ ընդունում և դատապարտում եմ հերյուրանք հրապարակելու կամ տարածելու ցանկացած փորձ, այն պատիվ չի բերում ոչ ոքի:

Կարևոր եմ համարում նշել, որ ես շատ բաց եմ բոլոր լրատվամիջոցների համար և խորհուրդ եմ տալիս նման դեպքերում ուղղակի դիմել, ինչպես անում է մեծամասնությունը։

Շնորհակալություն եմ հայտնում բոլորին, ովքեր բարձր պատասխանատվությամբ են կրում իրենց առաքելությունը», -գրել է նա Facebook-ի իր էջում: