Ռոբերտ Քոչարյանի փաստաբանները քննարկում են այսօր դիմումը ՍԴ-ից հետ վերցնելու հարցը

ՀՀ երկրորդ նախագահ Ռոբերտ Քոչարյանի պաշտպանական խումբը քննարկում է Ռոբերտ Քոչարյանի կողմից ՍԴ ներկայացված դիմումը հետ վերցնելու հարցը։ Նման տեղեկություններ ունի «Փաստինֆո»-ն:

Ըստ աղբյուրի՝ բացառված չէ, որ հենց այսօր պաշտպանական խումբը հայտարարի այդ մասին։

Հիշեցնենք՝ Երևան քաղաքի առաջին ատյանի ընդհանուր իրավասության դատարանի և Ռոբերտ Քոչարյանի դիմումների հիման վրա քննության ընդունված գործով ՀՀ Սահմանադրական դատարանը 2019 թվականի հուլիսի 18-ին կասեցրել էր վարույթը ու դիմել ՄԻԵԴ, Վենետիկի հանձնաժողով՝ խնդրահարույց հարցերի վերաբերյալ խորհրդատվական կարծիք ստանալու համար։
2020 թվականի մայիսի 29-ին հրապարակվեց ՄԻԵԴ-ի, իսկ հունիսի 18-ին Վենետիկի հանձնաժողովի եզրակացությունը, հետեւապես կասեցման հիմքը վերացվել էր եւ այն ենթակա էր վերսկսման։

ՍԴ-ն որոշում էր կայացրել գործերը միացնելու մասին և նիստի օր էր նշանակել հուլիսի 7-ին։