Ադրբեջանցի հաքերները նորից հրապարակել են Հայաստանում COVID-19 վարակակիրների տվյալները

Ադրբեջանական հաքերները երկու ֆայլով հրապարակել են կորոնավիրուսով վարակակիրների անձնական նոր տվյալներ ` անուններ, հասցեներ եւ բջջային հեռախոսները։ Այս անգամ անձնագրային տվյալներ չկան։ Մոտ հազար հոգու տվյալ կա: Այս մասին Facebook-ի էջում գրել է տեղեկատվական անվտանգության փորձագետ Սամվել Մարտիրոսյանը:

Նա գրել է, որ նախորդ արտահոսքին ավելացնելու բան չունի՝ նույն հաքերներն են։

«Ենթադրում եմ, նույն ձեւով են տվյալները ստացել․ մարդիկ մեյլերով տվյալները իրար են ուղարկում, մեյլերը կոտրում են, տվյալները ստանում։ Վուալյա, ինչպես ասում էր Հեյդար Ալիեւը, փախնելով Կուբատլիից»,- գրել է փորձագետը: