Թանկյանը կոչ է արել օգնել Հայաստանի ու Արցախի դպրոցականներին՝ ձեռք բերելու գաջեթներ

Աշխարհահռչակ ռոք երաժիշտ Սերժ Թանկյանը հանդես է գալիս Հայաստանի ու Արցախի դպրոցականներին արտակարգ դրության պայմաններում օգնելու նախաձեռնությամբ:

Թանկյանն իր Ինստագրամի էջում գրառում է կատարել՝ կոչ անելով աջակցել Հայաստանի ու Արցախի դպրոցականներին՝ հատուկ հաշվեհամարին 200 դոլար փոխանցելով: «Գումարով կկարողանան մեկ սարք ձեռք բերել 1 դպրոցականի համար», - գրել է նա:

Հայաստանում մարտի 14-ին արտակարգ դրության սահմանումից ի վեր բոլոր կրթական հաստատություններն անցել են հեռավար ուսուցման: Բազմաթիվ երեխաներ, չունենալով հեռախոսներ, հհամակարգիչներ ու պլանշետներ, կանգնել են փաստի առաջ: Նրանք զրկվել են կրթությունը շարունակելու և դասերին մասնակցելու հնարավորությունից: