Արարատ Միրզոյանը հեռախոսազրույց է ունեցել Վրաստանի խորհրդարանի խոսնակի հետ

ՀՀ Ազգային Ժողովի նախագահ Արարատ Միրզոյանը հեռախոսազրույց է ունեցել Վրաստանի խորհրդարանի խոսնակ Արչիլ Տալակվաձեի հետ։

Գործընկերները տեղեկատվություն են փոխանակել երկրներում կորոնավիրուսի համաճարակի տարածման, այդ կապակցությամբ կառավարության կողմից ձեռնարկվող քայլերի և խորհրդարանի գործունեության մասին։

Երկուստեք պատրաստակամություն է հայտնվել, որպես բարեկամ երկրներ և ժողովուրդներ, հնարավորինս օգտակար լինել իրար այս դժվարին օրերին։