Այլևս միակը չենք. Գեղարքունիքի մարզում արձանագրվել է կորոնավիրուսով վարակման առաջին դեպքը

Գեղարքունիքի մարզում արձանագրվել է կորոնավիրուսով վարակման առաջին դեպքը։

Այս մասին ֆեյսբուքյան իր էջում գրել է Գեղարքունիքի մարզպետ Գնել Սանոսյանը։

Մինչ այս պահը Գեղրքունիքը միակ մարզն էր, որտեղ չկար կորոնավիրուսով վարակման դեպք։

«Գեղարքունիք 1։ Ցավոք մենք այլևս միակը չենք...»,-գրել է մարզպետը։

Հայաստանում ապրիլի 11-ին՝ ժամը 11:00-ի դրությամբ կորոնավիրուսով վարակվելու 29 նոր դեպք է գրանցվել: Այսպիսով, ընդհանուր առմամբ՝ ապրիլի 11-ին հաստատվել է կորոնավիրուսի 966 դեպք:

Բացասական արդյունք է արձանագրվել 6484 թեստավորման դեպքում: Փաստացի այս պահին բուժվում է 780 անձ:

Ապաքինվել է 173 անձ, 13 պացիենտ մահացել է: Ապրիլի 10-ի դրությամբ մահացածների թիվը՝ 12 էր: