Լևոն Քոչարյանը չի աջակցելու «Ոչ»-ի քարոզին

ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը չի աջակցելու «Ոչ»-ի քարոզին։

Լրագրողների հետ ճեպազրույցում նա հայտարարել է, որ չի պատրաստվում մասնակցել հակաիրավական, հակաօրինական, հակասահմանադրական գործընթացին.

«Սա շատ մեծ հիմարություն է, որն արվում է սեփական մարդկանց ՍԴ-ում ունենալու համար: Իրենք ամեն կերպ ուզում են արդարացնել, իրավական հիմք տալ իրենց ապօրինի գործողություններին՝ ամեն անգամ շեշտելով, թե ժժողովրդի պահանջն է։ Բայց դա բացարձակ սուտ է, ժողովուրդը նման պահանջ չունի»,- նշեց Քոչարյանը։

Ավելին՝ Լևոն Քոչարյանի խոսքով, ժողովուրդն անգամ նորմալ չգիտի, թե ՍԴ-ն ինչ գործառույթներ ունի , ինչը բոլորովին նորմալ է, քանի որ նրան այլ հարցեր են հուզում՝ տեսախցիկները, բալային համակարգը և այլն

«Իրենց ինչ պետք է՝ վերագրում են ժողովրդին»,- հավելեց նա: