ՀՀ-ն 2019 թվականին ԵԱՏՄ ընդհանուր բյուջեից ստացել է 75 մլրդ 369 մլն դրամ. ՊԵԿ

2019 թվականին Հայաստանը Եվրասիական տնտեսական միության մաքսատուրքերից գոյացող ընդհանուր բյուջեից ստացել է 75 մլրդ 369 մլն դրամ: Իր հերթին, Հայաստանը ԵԱՏՄ ընդհանուր բյուջեին տվել է ավելի քիչ՝ 63 մլրդ 422 մլն դրամ: Այս մասին լրագրողների հետ հանդիպմանն այսօր հայտարարեց ՊԵԿ նախագահի տեղակալ Շուշանիկ Ներսիսյանը՝ նշելով, որ ԵԱՏՄ միասնական բյուջեից Հայաստանի մասնաբաժինը 1.22 տոկոս է:

ՊԵԿ պաշտոնյան նշեց, որ անդամակցության տարիներին Հայաստանի մասնակցությունը ԵԱՏՄ միասնական բյուջեին միշտ եղել է ավելի քիչ, բայց մենք միասնական բյուջեից հանրապետությունը ստացել է ավելի շատ:

«2019-ի բոլոր ամիսներին, բացառությամբ դեկտեմբերի, Հայաստանը ԵԱՏՄ միասնական բյուջեից ստացել է ավելի շատ, քան տվել է»,- ներկայացրեց Ներսիսյանը:

Նրա խոսքով, 2018 թվականից սկսած և 2019-ին Հայաստանի մասնակցությունը ԵԱՏՄ բյուջեին գնալով ավելանում է, ինչը  խոսում է երկրի ուժեղացված վարչարարության և ԵԱՏՄ գործընկերների հանդեպ ազնիվ գործընկերային հարաբերությունների մասին: