Ֆրանսահայ Ժաննա Բարսեղյանն առաջադրվել է Ստրասբուրգի քաղաքապետի թեկնածու

Ծագումով հայ ֆրանսիացի բնապահպան եւ քաղաքական գործիչ Ժաննա Բարսեղյանն առաջադրվել է Ստրասբուրգի քաղաքապետի թեկնածու: Ընտրությունները կկայանան մարտին: 38-ամյա Ժաննա Բարսեղյանը, ով առաջադրվել է տեղական բնապահպանական կուսակցության կողմից, նախընտրական քարոզարշավի լիդերներից մեկն է: Այդ մասին հայտնում է ռուս-հայկական տեղեկատվական գործակալությունը:

Քաղաքային խորհրդի անդամ Բարսեղյանը յոթ թեկնածուներից մեկն է, որոնք պաշտոնապես ձեռնամուխ են եղել նախընտրական պայքարին։

Հայուհին գլխավորել է «կանաչների» ցուցակը։ Վերջին տարիների «կանաչների» լավ արդյունքը խոսում է այն մասին, որ ավելի շատ ֆրանսիացիներ պատրաստ են քվեարկել այն քաղաքական կուսակցությունների օգտին, որոնց ծրագրերում էկոլոգիական խնդիրներն առաջին տեղում են: Ժաննան այդ պաշտոնի միակ կին թեկնածուն է: