Մոսկվայում հրաձգություն բացած աձին չեզոքացրել են. Պուտինը տեղեկացված է
Մոսկվայում Անվտանգության դաշնային ծառայության (ԱԴԾ) շենքի մոտակայքում հրաձգություն բացած աձին չեզոքացրել են:
Այս մասին հաղորդում է ՏԱՍՍ-ը՝ հղում անելով հատուկ ծառայություններին:
«Անհայտ անձը Լուբյանկա փողոցում 12 համարի շենքի մոտակայքում հրաձգություն է բացել: Կան տուժածներ: Հանցագործին չեզոքացրել են: Նրա ինքնությունը պարզվում է»,- ասվում է հատուկ ծառայությունների հաղորդագրության մեջ:
Տուժածների հստակ թիվ չի հաղորդվում: Նրա դրդապատճառների մասին եւս չի հաղորդվում:
ՌԴ նախագահ Վլադիմիր Պուտինի մամուլի խոսնակ Դմիտրի Պեսկովը հայտնել է, որ կատարվածի մասին արդեն տեղեկացրել են երկրի նախագահին:
Համացանցում դեպքի վայրից կադրեր են հայտնվել:
Ավելի ուշ ՌԲԿ-ը եւ Mash telegram-ալիքը հայտնել է, որ Մոսկվայի կենտրոնում՝ Լուբյանկա շրջանում, հրաձգություն բացած անձի չեզոքացումից հետո կրկին կրակոցներ են լսվել: