Շահեն Հարությունյանը կարմիր ներկով ներկել է Գրիբոյեդովի արձանը

Ակտիվիստ Շահեն Հարությունյանը կարմիր ներկով ներկել է Երևանում Ալեքսանդր Գրիբոյեդովի արձանը: Այս մասին Հարությունյանը գրել է Facebook-ի իր էջում.

«Քիչ առաջ կարմիրով ներկել եմ Ռուսական կայսրության դեսպան, գրող Գրիբոյեդովի արձանը՝ ի պատասխան Նժդեհի հուշատախտակի ներկմանը»,- գրել է նա։

VERELQ-ը հիշեցնում է, որ Արմավիրի քաղաքային դումայի պատգամավոր Ալեքսեյ Վինոգրադովը մտել է ՀԱԵ-ի տարածք և Հայաստանի ազգային հերոս Գարեգին Նժդեհի հուշատախտակը ներկել սև ներկով:

Ավելի ուշ նա այս քայլը հիմնավորել է նրանով, որ նոյեմբերի 11-ին լրացել է երկշաբաթյա ժամկետը, որի ընթացքում մարզային և տեղական իշխանությունները, նաև Ռուսաստանի հայերի միության տեղական մասնաճյուղի ներկայացուցիչները, խոստացել էին ապամոնտաժել Նժդեհի հուշատախտակը: