Նժդեհի թեման մեր ընդհանուր պատմության հետ կապ ունեցող թեմա է. ՌԴ դեսպան

137

Գարեգին Նժդեհի թեման կապ ունի մեր ընդհանուր պատմության, Երկրորդ համաշխարհային պատերազմի պատմության հետ։ Սա շատ նուրբ թեմա է: Այս մասին լրագրողների հետ ճեպազրույցում այսօր հայտարարել է ՀՀ-ում ՌԴ Արտակարգ և լիազոր դեսպան Սերգեյ Կոպիրկինը։


Նրա խոսքով, այսօր տեսանելի է, որ քաղաքական և միջազգային համատեքստում փորձեր են արվում նորից գրել պատմությունը, վերաորակավորել այն, ինչ տեղի է ունեցել այն ժամանակ.


«Այդ հարցերը բավական նուրբ են»,- շեշտել է դեսպանը:


VERELQ-ը հիշեցնում է, որ օրերս ռուսաստանցի մի շարք լրագրողների հետ հանդիպմանը ՀՀ վարչապետ Նիկոլ Փաշինյանը , անդրադառնալով Նժդեհի վերաբերյալ հարցին ասել էր, որ այդ հարցը առկա է Ադրբեջանի հետ հարաբերությունների օրակարգում և տարօրինակ համարել այն, որ այդ հարցը առկա է նաև Ռուսաստանի հետ հարաբերություններում։


Ավելի վաղ Աշխաբադում ԱՊՀ մասնակից պետությունների ղեկավարների խորհրդի հերթական նիստին Փաշինյանը կոշտ հակադարձել էր Ադրբեջանի նախագահ Իլհամ Ալիևին՝ Նժդեհի մասով արված անհարկի գնահատականների համար:


 


 

Տպել

Թեմայի այլ նորություններ
Загрузка...