Թուրքիան սպառնացել է վերսկսել Սիրիա ներխուժումը

Անկարան պատրաստ է վերսկսել գործողությունը Սիրիայում, եթե ՌԴ-ն եւ ԱՄՆ-ը չկատարեն քրդական կազմավորումներին անվտանգության գոտուց հանելու պարտավորությունները, հայտարարել է Թուրքիայի ԱԳՆ ղեկավար Մեւլութ Չավուշօղլուն:

«ԱՄՆ-ը եւ Ռուսաստանը կատարե՞լ են իրենց խոստումները։ Ոչ, այսօրվա դրությամբ չեն կատարել։ Անհրաժեշտ է, որպեսզի կատարեն։ Եթե մենք արդյունք չստանանք, ապա ինչպես նախկինում սկսել էինք գործողություն՝ փոձելով պայմանավորվել ԱՄՆ-ի հետ, այնպես էլ կրկին կանենք, ինչ պետք է»,- Չավուշօղլուին է մեջբերում Anadolu-ն։