Ճոխ վոյաժներ. գործադիրը հերթական անգամ լրացուցիչ գումար հատկացրեց գործուղումների համար

69

Հայաստանի կառավարությունը հերթական լրացումը կատարեց 2019 թվականի պետական բյուջեում, որով ավելացրեց գործադիրի անդամների գործուղումների վրա ծախսվող գումարը:


Ուշագրավն այն է, որ արտասահմանյան գործուղումների համար հատկացված գումարն արդեն գերազանցել է 1 միլիարդ դրամը, սակայն քանի որ դեռ մինչև տարեվերջ երկու ամսից ավելի ժամանակ կա, ապա հավելյալ գումարի կարիք է առաջացել, որպեսզի կառավարության անդամները չզրկվեն վոյաժների հնարավորությունից:


Կառավարության այսօրվա նիստում որոշում կայացվեց 2019թ–ի բյուջեի պահուստային ֆոնդից հատկացնել լրացուցիչ 290 մլն դրամ, որից 190 մլնը կտրամադրվի «արտասահմանյան պատվիրակությունների ընդունելությունների և պաշտոնական գործուղումների կազմակերպմանը», իսկ 100 մլն–ը` «արտասահմանյան պաշտոնական գործուղումներին»։


Ի դեպ, կառավարությունը մեկ ամիս առաջ հավելյալ գումար էր հատկացրել այս ծախսերի համար՝ սեպտեմբերի 17-ի նիստում որոշում կայացվեց պահուստային ֆոնդից հատկացնել 310 մլն դրամ: Փաստացի, գործուղումների վրա ծախսվող գումարները կառավարության անդամներին անընդհատ չեն բավականացնում: 

Տպել

Թեմայի այլ նորություններ
Загрузка...