Երևանում կկայանա Նիկոլ Փաշինյան-Վլադիմիր Պուտին հանդիպումը. Կրեմլ

ՌԴ նախագահ Վլադիմիր Պուտինը Եվրասիական տնտեսական բարձրագույն խորհրդի գագաթնաժողովի շրջանակում երկկողմ հանդիպում կունենա ՀՀ վարչապետ Նիկոլ Փաշինյանի հետ: Այս մասին հայտնում է Կրեմլի մամուլի ծառայությունը:

Հիշեցնենք, նիստը կկայանա հոկտեմբերի 1-ին Երեւանում:

Բացի այս, Վլադիմիր Պուտինը Երևանում առանձին հանդիպում կունենա նաև Իրանի նախագահ Հասան Ռոհանիի հետ:  

«Միջոցառման շրջանակում կկայանան նախագահ Պուտինի բանակցությունները Հայաստանի վարչապետ Փաշինյանի և Իրանի նախագահ Ռոհանիի հետ»,- ասված Է հաղորդագրության մեջ: